வழிகாட்டியில் சிறிலங்காவும்  உள்ளடக்கம்

சனி மே 16, 2020

 தீவிரவாதத்திற்கு எதிரான போராட்டம் மனித உரிமைகளுக்கு மதிப்பளிக்கும் அதேவேளை, உரிய சட்டதிட்டங்களுக்கு அமைவாகவுமே இடம்பெறுவதை உறுதிசெய்யும் வகையில் சிறிலங்கா  உள்ளிட்ட சார்க் அங்கத்துவ நாடுகளை உள்ளடக்கி, ஒரு வழிகாட்டியை ஐக்கிய நாடுகள் பாதுகாப்புச் சபையின் பயங்கரவாத்தடைக் குழு தயாரித்து வருகிறது

இது குறித்து ஐக்கிய நாடுகள் சபையின் பாதுகாப்புச் சபையினால் வெளியிடப்பட்டுள்ள அறிக்கையில் கூறப்பட்டிருப்பதாவது:

 சுதந்திரம், நியாயத்துவம் மற்றும் நிபுணத்துவம் வாய்ந்த அறிவு என்பன முறையானதொரு நீதித்துறைக்கு, குறிப்பாக தீவிரவாதம் சார்ந்த வழக்குகளில் மிகவும் ; அவசியமானவையாகும். எனினும் பல நாடுகள் இவ்விடயத்தில் சிக்கல்களை எதிர்கொள்கின்றன.

 இச்சவால்களுக்குத் தீர்வினை வழங்கும் விதமாக ஐக்கிய நாடுகள் பாதுகாப்புச் சபையின் பயங்கரவாத் தடைக் குழு சார்க் நாடுகளின் பணியாற்றும் நீதிபதிகளின் பங்களிப்புடன், 'நீதிபதிகளிக்கான தெற்காசியப் பிராந்திய வழிகாட்டிகளை' தயாரித்திருக்கிறது.

 இதுகுறித்து கருத்து வெளியிட்டிருக்கும்  மாலைதீவு மற்றும் சிறிலங்காவுக்கான ஜேர்மனிய ; தூதுவர் ஜோன் ரொஹ்டே, தீவிரவாதத்திற்கு எதிரான போராட்டம் என்பது மனித உரிமைகளுக்கு மதிப்பளிக்கும் அதேவேளை, உரிய சட்டதிட்டங்களுக்கு அமைவாகவுமே இடம்பெற வேண்டும். இக்காரணங்களுக்காக ஐக்கிய நாடுகள் பாதுகாப்புச் சபையினால் வழிகாட்டிகள் தயாரிக்கப்படும் திட்டத்தை ஆதரிக்கிறோம்' எனக் குறிப்பிட்டுள்ளார்.